ياهاجسي - ماهر الذيابي

ياهاجسي والجرح له خمسة اعوام
وسط الضلوع الحدب اصبح مقيله.

نام وتسلقي ولتحف كبشة احلاااام
كانت بفيض الفكر ترعي المخيله.

غيّم سما فكري وزادت بي اوهاام
فكري تشتت صار حزني خليله .

جرح ٍ طبع في وجنتي عدة اختاام
ختم الحزن غطى عليهم شليله.

ستين شهر ومرت اليوم الاياااااام
وانااااااااا مابين الهم حطه وشيله.

اضحك وانا في داخلي تبكي ايتام
محرومة ٍ من حضن دافي تجيله.

ابكي لشفت الخلق من حولي نيام
من خوف لا كدر صفى من نعيله.

لاشك بارك بالصدر وسط الالغام
جرح ٍ نزف دمه بكف اااالدليله.

ماظنتي يبري ويفطر بعد صااااام
عاف الصبر مد السنين البخيله.

ضاق الفضا ولابقي حولي حزام
والحمل كايد بارك ٍ من يشيله.

اكتب شعر وفضفض بروس الاقلام
ابسط بشر والحزن قلبي يكيله.

ولي نوى قطع المواصل بالاسلام
الله حسيبه فوق ينظر حصيله.

ولا انت والله مادرينا بالاجرام
الشمس تشرق فوق خد الجميله.

اغضبت ربك قبل تبلش بالانعام
هذااااا تبيه وهذااااا صيتك فشيله.

ياهاجسي والجرح له خمسة اعوام
وسط الضلوع الحدب اصبح مقيله.

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر