جتني

لـ ماهر الذيابي، ، في غير مُحدد

جتني - ماهر الذيابي

جتني بحلمي تضحك بمبسم جنان
سبحان ربي كيف صور حلاها

تمشي تبختر لين جو الشعر زان
وصارت بيوت الشعر تتبع خطاها

لك نظرة ٍ تدفي خفوقي والاغصان
وتدفي ضلوع ٍزاد فيها عناها

احجاج عينك جاك مرسوم باتقان
من خلقة الله ماهو نتف ٍ غشاها

والعين عين الحر لا شاف حوران
ضلع ٍ يطيّب خاطر أللي سراها

والخد كنه زهرة ٍ وسط بستان
يحّلو في عينك وتقطف شذاها

والعنق عنق الظبي لا صار رويان
من نبع حرفك لين زينك كساها

والصدر كنه نابت ٍ فيه رمان
متواري ٍفي وسط صدر ٍ حواها

والخصر ضامر راكز ٍ بين ردفان
كنه يحاكم مجرم ٍ قد غزاها

كلك على بعضك ترى صرتي انسان
طهرك تري غيمه وماكم سقاها

ماشبهك الا بنفس ٍ لها الحان
ياحلو عزفك حتي قلبي هواها

ياكم سهرنا والقمر بعد سهران
يشهد على حكي القلوب وغناها

حتي عيوني في عيونك لها اشجان
نظرتك فهمت نظرتي في مداها

شريان قلبك متصل معه شريان
قلبي تراه اليوم صاير معاها

لجلك كتبت الشعر ورويت قيفان
ولجلك نصور حرفي اللي طواها

والخاتمه شفني تري حيل ضميان
من شوفتك والعين جاها بلاها

© 2024 - موقع الشعر