جتني تسأل

لـ حاتم منصور، ، في العتب والفراق، 63

جتني تسأل - حاتم منصور

جتني تسأل وفاها لاح وابرق مخيله
يوم شفت الوفا راحل وخلا سماها

رحت عنها وقالت كيف تنسى الخليله
شفت هذي الفضية ضايقٍ بي فضاها

كان نبضي بقلب البعض باقي دليله
وإلا بعض البشر درب الرديه وطاها

قلت اببقى لجل عين الهنوف الجميله
تستحق اني ابقى دايم ٍ في هواها

واحتمي عندها فارس يحطّم قبيله
واخسر العالم اجمع لكن ابقى معاها

اختصر عمري القادم معاها بليله
والفظ انفاسي الثكلى بنسمة شذاها

و اقضي النحب نور ٍ عم جوف الفتيله
يكفي الموت ياخذني ولا اعشق سواها !

© 2024 - موقع الشعر