ما تدري ان الفرح في غيبتك غايب - عبدالعزيز الرقراق

يسعد نهارك..ويسعد ليلك الذايب !!
ويسعد عيون الظبا اللي سهمها أشقاني

ويسعده ثلجك إلى منه غدى هايب
والجمر دونه توقد!! وألهب أشجاني

يااكبر ذنوب {الحسن} في نظرة.. التايب
يا أعذب {خطأ} ماقويت اندمه واغواني

يا اول ايام عمرٍ في نظر شايب
يا أجمل غرامٍ كتبته ثم غناني

أسرفت حبك وسَجني في يدك طايب
لايا بعد حيي ياقيدي وسجاني

ذهبت صوبك.. وانا أدري ماني.. بآيب
لو يَبْس ريقي..وعاف الدم شرياني

لحظات وصلك ياكن الدم ..بي رايب
شعور نشوة!! ..بطل في وسط ميداني

ولحظات بعدك..وطعنة سهمك الصايب
ياحر.. نارٍ تلظّى ..وسط وجداني

شبيت حربك غلا !! بلا قايد ونايب؟
جيشك غزاني.. وانا وقفت وحداني!!

واليوم.. مدري؟ وش انت بخافقي جايب؟!
خذته ظما ثم عود منك عطشاني

مدري تغلي?! يامدري عابني عايب??
لكن بعدك ماتدري منه وش جاني !!

ماتدري ان الفرح في غيبتك غايب?!!
والحزن ضيفٍ غثيثٍ حلْ واوذاني

طالبك طلبه.. ولا لا تردني خايب
لا تغيب شمسك..! وتشرق شمس الاحزاني

© 2024 - موقع الشعر