لك غايب أيّام ما تسأل ولا همّك

لك غايب ايام ما تسأل ولا همّك ..
مدري برودة شعور او انت ناسيني ..

والله ماثقل من غيابك سِوى دمّك ..
حتى شعور المحبه منك مافيني ..

في ذمتك يوم اجي مشتاق لا اضمّك ..
تحاول انّك تسولف لي و تلهيني

ماقد سمعت الكلام الزين من فمّك ..
اخذت كل الغلا وعييت تعطيني

يمكن شعور المحبه ما بعد لمّك ..
او ان قلبك كذا قصده يخليني ..

ما عدت اشرھ مدام انّك ولا همّك ..
انا من اليوم اعتب ليش وش فيني ..؟

إن كان ماتعرف اللي جابني يمّك ..
صدقني انك كذا ماعدت تعنيني ..