البنت الشقردية

كم بنتٍ بغت (تلعب) تبي ترقص على الحبلين
مع ان السعر في يدها تبي تسوي (شقردية)
 
 
تبي تاخذ لها (بطاقة) أو الجوال ابو وجهين
وصارت من فعل يدها في يد اللي ( نوا) نية
 
 
وقالت هاتها (جبها) ولا بكرة ولا بعدين
وحطت شرطها لازم تكون من حقة ( المية )
 
 
وقال اللي يكلمها بخليها ابو (الميتين )
ولكن لي طلب واحد اشوفك (يالسنافية)
 
 
توافق ثم تتردد يوريها (الطمع) شورين
ويوم الله بينكبها توافق ه (الضلالية)
 
 
يواعدها وياخذها في موتر وارد (الالفين)
يوديها على الشقة ولا تدري عن (النية)
 
 
تفك حجابها تبغى تسوي (ذربة) الذربين
يناظر ووجهها بلهفه مثل فعل (الحرامية)
 
 
ويدخل صاحبه(يضحك)يقول احنا ترانا اثنين
نبي نقضي معك (ساعة) ولا هذي ولا ذية
 
 
تحاول تطلق (الصرخة) ولكن ما يفيد الحين
وش سويت في (نفسي) صحيح اني شقاوية
 
 
يجردها (ملابسها) ويكويها على الجنبين
مثل ذيبٍ لقى (ضبيٍ) لحاله وسط برية
 
 
وياخذها يوصلها ولا كلمه ولا ثنتين
وساعة تدخل الحجرة والى في العنق (مارية)
 
 
تناظر في مرايتها وتلطم من على الخدين
ياكيف اللي ذبح نفسه يحاول يدفع (الدية)