حب دلّوعه - حسين العسيري

انا لا هجرتك حتى الملامة لا تلومني
............... قضيت عمري ما بين الصد واللوعة
 
عطيتك الحب وانتي وش عطيتني؟
................... بنيت لك في حنايا القلب موسوعة
 
الحب ماهو تزعلني وتراضيني
.................... الحب يآمر وكل الناس في طوعة
 
لا صرت احبك بحطك في هدب عيني
.............. واسقيك حبٍ ابد ما جف ينبوعة
 
ولا ضاق صدري منك فلا تحاكيني
..................... تراك ما تعرف سلوم الحب وطبوعة
 
ياكثر ماطرح سؤالٍ بيني وبيني
.................... انا وش الله بلاني بحب دلوعة؟
 
من قبل احبك ما اذكر دمعة عويني
.......... ومن يوم شفتك فؤادي جفت فروعة
 
تدمين قلبي ولا حتى تواسيني
................ شوفي سهامك ف وسط القلب مزروعة
 
اغيب وابعد ابد ما تسألي ويني
............. ولا جيتك اسأل والا هامتك مرفوعة
 
كني انا الغلطان واذنبت بايديني
............ الله ياكم ليالي عشت في روعة
 
يا بنت قولي اذا ما عاد تهويني
............. ترى الصراحة بيننا ماهي بممنوعة
 
المسألة حب والا انتي بتستغليني ؟
............... كلن على الله ولا احدٍ مات من جوعة
© 2024 - موقع الشعر