أسير حب وقيّده حب غالي

لـ عبدالرحمن غانم الدوسري، ، في غير مُحدد، آخر تحديث

أسير حب وقيّده حب غالي - عبدالرحمن غانم الدوسري

اصخفت للي عن حبيبه شكا لي
وابديت له خافي علومي والاسرار

وقلت أنا مثلك سهرت الليالي
ياما جرى دمعي على الخد نثَّار

اسهر طوال الليل وارثي لحالي
وأكاتم العبرات وابدع بالاشعار

كني غرير ٍ ما لقى له موالي
تاهت دروبه بين بيداء والامصار

يضرب بكفٍّ كف في جو خالي
وان ابحر تخاويه موجات الاعصار

فوقه سماء ونجوم والموج عالي
ومن تحته اللَّجه ويرجي بالابرار

أسير حب و قيَّده حب غالي
قد قالها قبلي محبين شعَّار

ومع اني اشقى والتعب راس مالي
إلا إني آحبه ولو صار ما صار

هذي علومي يا نديمي وخالي
الحب نار وجنته شوق واخطار

© 2024 - موقع الشعر