هذا الزمن كم خلا فـ الاوادم صويب

لـ ، ، في قصائد اخرى، آخر تحديث :

هذا الزمن كم خلا فالاوادم صويب
 يوم العرب بين صالحها وطالحها
 ياصاحبي والله اللي فوق خلقه رقيب
 والناس يعلم بخايبها وفالحها
 احدٍ تردى فابن عمه واحدٍ يطيب
 والناس للمصلحه ضفّت مشالحها
 دنيا تقرّب بعيد وتبعد اللي قريب
 واهل المصالح تدوّر عن مصالحها
 واللاش لا تامنه لو هو قريب وصحيب
 دايم يحاول يذم فالناس صالحها
 والطيب يبقى وفعل الطيب ماهو غريب
 يوم الجحادر شهر بالفعل شالحها
 وانا احمدالله لنا فالطيب حظ ونصيب
 واهل الرديين ما والله انمالحها

حقوق النشر محفوظة لـشاعر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر