ياعزة الروح كم روحي تمجدها & ماحدٍ من الجوع في هذا الزمن ماتي - لهيلم زايد

1 النفس لجت تعبر عن مقاصدها & قامت توارى وراء تعبير الابياتي
 
2 مالومها يوم جور الظرف عاندها & هذي صراحاتها وهذي صراحاتي
 
3 وضعٍ لونّه تبسّم كيف يسعدها & دامه يشكلها روح المعاناتي
 
4 من عقب ماالروح في مشهاةقايدها & قدام تمشي على مشهى القياداتي
 
5 قبل الاهانه تواجه في تنددها & يوم الكرامه تساوي الروح والذاتي
 
6 اعزي الصوره اللي يوم اشاهدها & تبكي حروفي وتنعى ذيك الامواتي
 
7 تنعى ارجالٍ اعزازٍ في مراقدها & ما منهم اللي على الاذلال كد باتي
 
8 صوره وراحت وراح اللي مجسدها & اللي بقى بعدها افواه المتاهاتي
 
9 وسميةٍ شفت بالعينين شاهدها & تنعاف لو الحوايج كلها تاتي
 
10 ياعزة الروح كم روحي تمجدها & ماحدٍ من الجوع في هذا الزمن ماتي
 
الشاعر/ لهيلم زايد المويس

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر