الخاطر اللي ما لقى من يسليه - لهيلم زايد

1-احب بيتٍ صادقٍ في معانيه - بيتٍ يصور حالة اللي يقوله
2-ماتجنبه عن المعاني قوافيه - القاف كله تابعلّه بقوله

3-يقوده المعنى وهو حيل مرضيه - وافي بطاعاته و فاء رجل دوله
4-كله وفاء من شان خاطر طواريه -طواريٍ ما بين صوله وجوله

5-طواري اللي وين مارحت الاقيه-عن النظر ماغاب وجهه وزوله
6-الخاطر اللي ما لقى من يسليه - غير الشعر ومشاهد ابن الحموله

7-عز الرفيق اليا بدا الوقت يشقيه- يسبق وصوله وقت حزة وصوله
8-ابن الرجال اللي بعادٍ هقاويه-اللي تجي فيه القصايد عجوله

9-فعّال طيب ولا ذكر يوم يطريه- اللي تكلم عن فعوله فعوله
#لهيلم-المويس

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر