طبع الوقت

1 معروف طبع الوقت ماهو على الكيف : مره يزين ومرتينٍ يشيني
 
٢لولا انقطاع القطر ما غادر الريف& ولولا البلاوي كان مابه حزيني
 
٣- احيان مركبنا بليا مجاديف & عليك يللي حافظ الحافظيني /
 
٤- تسلم اعزومٍ ماتطري المناكيف : ذيك العزوم ويسلم العازميني
 
٥- عزوم الذي ماحسبوا للتكاليف : عواقبٍ تشين والاتزيني.
 
٦- واحيان لاني راضينْ به ولا معيف &
و احيان كن الوقت بمرة يديني.
 
٧- كني امسوي به جميع المعاريف & عنان الزمن كله تقل في يميني /
 
٨-ومرات ماتوصف بكل التواصيف & رضيت في همي ولو مايبيني.
 
 
٩- رقاني الخاطر بروس المشاريف& ويقول ماحنا من المختفيني
 
١٠-عبّر عن اللي بين الاضلاع ماشيف& البوح يهزم كل همٍ دفيني
 
١١-البوح سيل نظّف الارض تنظيف : وانبت ربيعٍ يعجب الناظريني
 
١٢-بعد سوايا عاتيات العواصيف &
اللي فلا تترك على الارض زيني
 
 
١٣- يا رب يللي في يديك التصاريف & رضاك بللي باقيٍ من سنيني
الشاعر/ لهيلم المويس