طاريٍ تعجز ترده الاستطاعه

1 ودعتك الله يا مشاوير فكري @ودعتك اللي مايضيع وداعه
2 لو من دروبك كد شكى الضيق صدري @ نارك ولا جنة ليال القطاعه
3 ماقدر المولى على العبد يجري @ عقيدة المؤمن بكل انطباعه
4 ناح لوداعك يوم قفيت قمري @ كل الحزن خيم بليلة وداعه
5 وداع ما مثله على قد خبري @ الاوداع المحتضر في نزاعه
6 مع السلامه كثر ماكان يطري @طاري ٍ تعجز ترده الاستطاعه
7 استقبله في كل فكري وشعري @ واللي يكلمني نسيت استماعه
8 كانه يعذر المنتحي ذاك عذري @ لايواخذ المبحر بفلة اشراعه
9 على هبوب الذاكره وين مدري @ يمكن يبي ذيك السنين وضياعه
10 عصرٍ لونه صار ماهوب عصري @ اقفى وروحي في يدينه اقلاعه
11 بعده اسنين العمر ماهي بعمري @ هي الحقيقه مثل قول الاشاعه
12 صوبه هواجيسي ورودٍ وصدري @ وعينٍ ترجى من صباحه شعاعه
13 تشوف الاماني فوقها الريح تذري @ لكنها عجزت تشوف القناعه
14 ما قدرت وقفات وقفات صبري @ اللي تموت ولاتموت الشجاعه
15 ماهمني كود المبادي من امري @ والازعل هالنفس لله طاعه
شعر لهيلم المويس