من نشد ويريد شارع لقى له شارعيـن - تراحيب بن سويلم العتيبي

من نشد ويريد شارع لقى له شارعين
شارع الكيف المهيل وضيفه ما يجوع

وشارعٍ للعود الأزرق وهيفٍ للسمين
كلها تنصاه طرق المراجل والفروع

كاسبٍ قوله نعم من فعوله باليمين
ما كسبها بالدعاية ولا جت بالخضوع

وكل ربعه مثل قول المثل خشمٍ وعين
نعم بالرئيس نقوله ونعم بالربوع

مجلسه فيه المراكي حدود الأربعين
وكل مركى عند خشمه صحن بقل وقدوع

للضيوف وللعواني جمع دنيا ودين
والقبول الزين تجلس سنة والاّ سبوع

عند قصر الشيخ تلقى جيوب الزائرين
مثل سيارات فوج صرف يوم الربوع

ولو يزوره ضيف واحد بداه بدلتين
وأعلنوا حالة طواري هله مثل الفزوع

هكذا فعله وطبعه قديم وهالحين
مثل طبع إبن عبيكة* ويانعم الطبوع

لابسين أغلى الملابس قديم وهالحين
كل ماجاء وافد قدموا من كل نوع

© 2024 - موقع الشعر