توي عرفت انه اناني ومسكين
غريبه اني ما عرفته من اول

ياليت بوجيه الاوادم عناوين
من شان عرفك للردي ما يطوّل

اما تعرف انه من الناس الاقصين
اللي عليهم بالمراجل اتعوّل

والا تعرف انه من الصنف الادنين
يومين يصلح لك وعقب ايتحوّل

لا احتجت له في شي يطلع بوجهين
والحاجته لاجاك كنه ايتسوّل

ياخذ ولا يعطي ولا يوفي الدين
ماغير باعراض العباد ايتجوّل

مثل البعير اللي يربي سنامين
يكنز على ظهر الردى لين توّل

هو يحسب ان الناس ماهم بدارين
والعالمين الناس قولٍ امقوّل


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر