ان قلت ليه

لـ حمد بن فطيس، ، بواسطة غادة العلوي، في غير مُحدد

ان قلت ليه - حمد بن فطيس

ليت اتصالي فيك يرجع كما كان
لاصار منت بتتصل لا لقيته

ان قلت ليه؟..اقول بس ..وعلى شان
لوكنت داري بك كذا ..ما خذيته

خذيت رقمك للمواصيل عنوان
عطيتني ماهو بنا اللي عطيته

وان كان مابه عذر منك وبرهان
لاوالله انسى.. واعتبرني نسيته

به ناس غيرك تحتريني و(عربان)
ولاهو لزوم ان من دعاني نصيته

ترى التغّلي بعض الاحيان حقران
وترى الجفا يرّث جفا ً ما هقيته

ترى التواضع طيب مذهب ورفعان
والكبر ينزل بك تحت لو رقيته

والاحسان يجزى مع هل الطيب الاحسان
وعلم الردى في صاحبي ما نويته

ان كان تبغينا على طول خلان
عطني وفا ..واخذ وفا ً ما شريته

وانكان تبغي بدّل افلان بفلان
ما اخترت كله..قابله ما شنيته

لو درت في كل المداير والاوطان
حمد .... حمد .. تروح ... ترجع ... لقيته

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر