اكذب عليك ان قلت لك ماتأذيت - راشد الفهيد

والله لو قفيت عنك وصديت ... وزدت المسافه والهجر والقطاعه
 
أنك أبالى رحت ولا بعد جيت ... ماعندي أصلا ً عن غرامك مناعه
 
أكذب عليك ان قلت لك ماتأذيت ... وأكذب عليك أن قلت مرتاح ساعه
 
عقبك حياتي مظلمه لو تسليت ... وقلبي عقب فرقاك حس بضياعه
 
الله من بيت ٍ كتبته وغنيت ... من قلب حبك / والهجر منك لاعه
 
والله من يومن جلست وتمنيت ... صوتك / لو انه مستحيل ٍ سماعه
 
سويت فغيابك قصايد وسويت ... والشعر فى مثلك سريع اندفاعه
 
قلبى تولع بك ولو كان قفيت ... طيفك شرابه / وذكرياتك متاعه
 
شفني / وانا فى غيبتك ماتناسيت ... وأقاوم الفرقا بعزم وشجاعه
 
خذها عهد لو رحت لو غبت وابطيت ... حبك بيبقى فى خفوقي وداعه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر