قلبي يجوعك .!!

ياللي تسوق الغلا بحروف مرسالك.
عامين .....!! اخايل بروقك في مخاييلك.!!

سحابة الشوق .! تمطر ودك لحالك.
شف لهفتي ..!! كيف تستقبل مراسيلك.!!

اظماك وارواك وارجع يمك اظما لك.
وتشربك عينٍ تلذذ فيك ......! توفي لك.!!

اخاف مني عليك ... اخاف عذالك.
خلايقٍ ........!! شفتها ترقب مواويلك.!!

قلبي يجوعك.! حرام الحال متهالك.
شفني عزمت السهر .! في ريح منديلك.!!

جيتك مطر.! يزهمه واديك مع جالك.
واربكت ليل الشعور .! وصحت اناديلك.!!

اجيك كلي ولَه .... في ليلك الحالك.
شاعر شربك وتهنّا ......... في تعاليلك.!!

لجلك نسوق الغلا في عزف موالك.
ونسابق الدم ....!! حتى في تفاصيلك.!!

دامه وصلك الغلا في رغبة اوصالك.
تعال ....... ولّع هوانا .... من قناديلك.!!

ودي لك اقرب من انفاسك وسلسالك.
ودي تقربني ....!!! اقرب من حلم ليلك.!!

شفني مثل بيت شعرٍ جوف فنجالك.
محكور بُنّه ......!! تخالط هيله وهيلك.!!

متى ظميت الغلا او جيت في بالك.
انا انتظر منك .......!! ترحيبك وتهليلك.!!