روحين في هيكل .!! - صالح بن عمار

الصدفه .... اللي ولّعت بالحنايا.
بغيت اروّح من خطرها ضحيه.!!

بالسوق نمشي.! والبلا بالصبايا.
لكن.! ابقصرها واقول القضيه.!!

حدتني الذكرى ..!! وذيك الهدايا.
اللي هداها ماضي الوقت ليه.!!

صندوقها ...!! فيه الغلا والكوايا.
اسري معه ليل الظروف العتيه.!!

ذاك العطر وشلون جاب الخفايا.
انشهد انه ..! شَرّه الجرح فيّه.!!

عطرٍ ...! مع الزحمه يشد الخلايا.
وانا جروحي جايده بي و نَيّه.!!

قمت اتلفت ...!! في عيون البرايا.
على أمل ...! ترواه عينٍ شقيه.!!

شفته ...!! وناظرني قليل الحلايا.
واللي قريته في عيونه خطيه.!!

كنّه يقول ...!! البُعد سوّى سوايا.
والقلب .! شبّت فيه نارٍ لظيه.!!

طلفين واهبهم ..!! جزيل العطايا.
ورجلٍ تسلّط في حياتي عليه.!!

شفهم .!! وشفني ميته من ظمايا.
واهلي خطاهم قدموني هديه.!!

دايم دموعي ..... تشتكي للمرايا.
واصبر عشان اثنين حتى المنيه.!!

اتابع اخبارك ..... ودمعي سرايا.
واسمع نداك ..! وكية القلب كيه.!!

احنّ للماضي .....! تحنّ الزوايا.
ان قمت لك بالليل والاّ اضحويه.!!

والعبره ....!! اللي ماتهاب الثنايا.
احيان افجّرها قهر .! هاشميه.!!

صدّت وصدري ممتلي بالشظايا.
وشوقي ورجلي .. بين نيّه ونيّه.!!

لحظة غلا.! فيها سكون وضحايا.
وتصرّمت بالجوف ( ونّه ) قويه.!!

اعيون غرقى .... والمشاعر سبايا.
وكلٍ يعالج له ..... جروحٍ خفيه.!!

ارواح فرّقها القدر ....... والبقايا.
روحين في هيكل مع الناس حيه.!!

© 2024 - موقع الشعر