أنزف ألم .!!

البارحه .... ياطول ليلي مع الآه.
اجرّها ....... من حر حزنٍ ملكها.!!

دولة هوانا .! هدها الصد بيداه.
وشعب المشاعر غاب عنها ملكها.!!

ريمٍ غرس بالقلب حبه ..! وفرقاه.
خنجر ...! غرزها بالوريد وتركها.!!

حاولت المّ الجرح وادوّر ادواه.
انزف ألم ...... والعين ولّع فلكها.!!

كتبتها ...! مابين حرقه ومشكاه.
والناس قالت .. كيف هذا حبكها.!!

فات الاوان وغاير الجرح معناه.
كل الخلايا ... في وريدي هلكها.!!

العين ..... مابين العنا والمعاناه.
والموق خلاّ دمعته ..... مامسكها.!!

عين الفراق اللي غلاها نثر ماه.
تشره .! على كفٍ رقى ما عركها.!!

لولا الغلا ماباح سدي ولا جاه.
قلبٍ ... عروق الحب حزنه فتكها.!!

اكظم على العبره واناظر بقاياه.
ضاقت بي الدنيا وضاقت سككها.!!

ذي ضيقة البارح لها قدرٍ وجاه.
والهاجس اللي ضاق منها سبكها.!!