انا الرعد .!!

قمت اتصدد عن حروفٍ تضرك.
كله ... على شان الغلا والموده.!

ودام التغلي مع غرورك يسرك.
جبت الفراق اللي عروقي تمده.!

شفتك مع اللي في حروفه تبرك.
كنك على لم المشاعر .... تحده.!

خلك ..... مع اللي قال لله درك.
مدري يمدك.!! بالفكر او تمده.!

ولله در ..... اللي حروفه تِحرك.
اللي بنى بالعز .. بيته وشده.!

كنت المعاني بالمحاني مقرك.
حتى البحر متعطرٍ منك مده.!

جريت جنبك والقفا قام جرك.
وقبّلت راسه .... ثم قبّلت يَده.!

اكبر وفا ماغاب حبك وسرك.
دونه جبل .. بنموت محدٍ يهده.!

يبقى الغلا لو بان خيرك وشرك.
ومهما يزين الوقت للوقت رده.!

انا الرعد لو غيم فكري تحرك.
مافيه سدٍ لا انهمر لك يصده.!

غروك بالتطبيل .. والوقت غرك.
لكن مكاني .. مابه احدٍ يسده.!

ان كان صدك بالليالي يسرك.
رد الخفوق اللي بلش فيك رده.!