اطلال وده .!!

البارحه ذاب الغلا في سطوري.
وشفنا قصور الود ... قامت تهاوى.!!

اقنب قنيب الذيب ويضيع دوري.
حتى المشاعر .... جاوبتني تعاوى.!!

تجرحني الذكرى وتجرح مروري.
وجرح المحبه ..... بالسنين ايتداوى.!!

مادام وصله بالمحبه ضروري.
ليه المشاعر ....... بالغلا ماتخاوى.!!

اقفى الغلا والعمر سيره يدوري.
والجرح ... كنّه طاب مدري تشاوى.!!

اطلال وده سابحه في بحوري.
وبيبان قلبي ...... في غيابه تهاوى.!!

لكن .... دامه مايقدر شعوري.
ترى حضوره مع غيابه ..... تساوى.!!