وده ايتجمل كرم والجود وده قروش وقروش راع العمامة فيها وجهة نظر
ان حل وقت المزح والسلم راسه يشوش وان جا نهار المصامل والمراجل قصر

ياكبر ديوانه ويازين ذيك الفروش والصورة امبروزة فوق الدلال الصفر
ديوان حده صور ماهو لملفى الطروش /ماهو بديون راع المرجلة والسطر

ذاك ابومحسن ابن خشمان كفه ينوش الطايلات السمان اللي وراهن عسر
ماعبس بوجه ضيفه دوم وجهه بشوش / يرحب تراحيب من رحب بزخ المطر

يمناه تنثر كرم من غير زيف ورتوش/ عود ن تعود على الجزلات منذ الصغر
ان زاد ماله انتثر ماهو مجمع قروش /كن الدراهم مرض وعلاجهم بالنثر

ماوصل المال صرار العدل للعروش/ والقل مايقصر اهل الجود واهل النظر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر