يالغافل ان كان منهاج النبي فوضه

لـ احمد بن مطر الهاجري، ، في غير مصنف، آخر تحديث

يالغافل ان كان منهاج النبي فوضه - احمد بن مطر الهاجري

يالغافل ان كان منهاج النبي فوضه
ماكان ربي على دين النبي راضي
 
الله ترى كمّل الاسلام بفروضه
مرجعك لله واحذر له تجي فاضي
 
بنْبيك عن واقعك واعطيك ملحوظه
العبد في معصية خالقه وعّاضي
 
هذي حياةٍ تجي للكل مفروضه
ماوافقت بين مركاضك ومركاضي
 
من عاش فيها متعافي زانت حظوظه
ومن حبه الله بلاه بسقم الامراضي
 
والقبر مسكن وكلن واردا حوضه
والوعد يوم النفوس ترود الاحياضي
 
في ساعة كل خلق الله مقبوضه
تجمع وتحشر وكلن عنك متغاضي
 
يوم القيامه بها الاعمال معروضه
عند الله الكل يعرض والله القاضي
 
اما لجهنم تساق النفس مبغوضه
والا لجنات عدنن كلها فياضي
 
ماتسوى دنيا الفنا ( جَنَاحَ بَعُوضه )
اعمل لحاضرك واترك عنّك الماضي
 
من تاب لله ربي دايم يعوضه
لو ان ذنوبه تجيه اطوال واعراضي
 
هذا هو الواقع اللي كلنا نخوضه
ياليت كلن مع الايام يعتاضي
© 2024 - موقع الشعر