حذفة يمين الضيف ...!

الهاجس اللي ...... في مجرة تفاكير.
زايمني البارح ..... وزرت المجرّه.

فوق السحاب اللي عيونه شخاتير.
شفت الخديعه .. والحسد والمضرّه.

بعد الشحم .... وادلال بنٍ مباهير.
حذفة يمين الضيف ..... ظهرٍ يبرّه.

لا خير في رجلٍ تقفّى هَل الخير.
ولا خير في حرفٍ عليهم تشرّه.

الجوف ..! له صوره ونشره وتعبير.
تظهر مع الايام .. مُرّه .. ومَرّه.

ان كان في صدره عتب له معاذير.
يبشر ....! وانا صالح بْشيئاً يسرّه.

وان كانها تهديد ...! هذي مناذير.
بذكّره ماضيه ..... ويزيد حرّه.

قدح السنابل ... من غيومٍ مزابير.
والصمت في وجهه مفاهيم شرّه.

بان السواد ..وبان في داخلي غير.
الثوب دالع ...... ناسي انه يزرّه.

مهما صفى وقتك وذقت التباشير.
للعمر كاسٍ ..... فيه حلوه ومُرّه.

جرّة خطأ ..! تحتاج وقفه وتفسير.
وسهيل ....... له لحنٍ بْوقته يجرّه.

مررتها ...... حيثك تحب التمارير.
ويبقى البحر .. مابين شر ومسرّه.

ارسلت درّه ..... ثقلها كنّه النير.
واللي لفاني منك .... مثقال ذرّه.!