غياهب يم ..!

أصافح الأحلام بيدين الرجا
لعل دمع العين .. ياكف لا سليت

ما عاش قلب(ن) شال زيف وبهرجا
و لاعاد ليل(ن) منه بجروحي سريت

ياحكمة الأقدار قلبي ما نجا
في صفحة الأيام من ظلمك شكيت

جرح(ن) سطا بالروح صعب معالجا
ذكرى زمان(ن) فات به خل(ن) هويت

دونه غياهب يم كاسيه الدجى
غير الضياع اللي على المفرق لقيت

وش عاد لو حبه وسط قلبي لجا
سلكت هجره درب .. عن لو وياليت

يجبر عزا قلب(ن) به الهم ادرجا
رب(ن) علم خافي ضمير(ن) به دعيت