أحساس مرهق ..!

غمرني هالمساء شوق وشجن وأحساس
نثر ورد الغلا بأحلى أحتفاليه

تعسعس في مشاعر تكتم الأنفاس
حضر وبدايته عطر ورومانسيه

وأنا اللي مرهق أحساسي وناسي ناس
ولا لي في دروب العشق موليه

على الله مبعد(ن) عن نمة الجلاس
لربي رافع(ن) نجواي وايديه

مشيت الشوق حافي لين بان اليأس
بعدها.. رجعتي كانت ضروريه

توارى من جرح بعيونه النعاس
ورى مزن(ن) غدت به ريح غربيه !!

حفظت اله الوفاء بعروقي اليباس
لأنه من لمس جرحي بحنيه

عنود(ن) لا زهت بالشال فوق الرأس
تهذري من حلاها كل حوريه

ياصبري صب لي كأنه بقا بك كأس
ابجرع علقمك والنيه النيه !

أبملى هالمساء بوح وطرب وإجراس
أبسبر عالمه واهيم مع غيه

يقولون البحور تكذب الغطاس
وأنا أقول : البحر ليلي وماضيه !