حارس الليل

لـ فاهد الرشيدي، ، في الغزل والوصف، آخر تحديث

حارس الليل - فاهد الرشيدي

يا حارس الليل أنطح القمرا على جال الطرب
خلنا نتفاهم ..!! قبل لا تابس عناقيد الغرام ؟!

وش لك ؟.. على درب(ن) تمده للتفرق والنشب
رح .. قبل لا يسرون وتعدي على خير وسلام .. !!

طعني.. و(أمان الله عليك).. أني ما سولف للعرب
عن غلطتك يوم امنوك الخيل وأهجوع الخيام

ما جيتك أنشد عن مسافات الخطاوي والتعب
جيتك وانا الحالم بضحكات الليالي والغمام

ما يكفي إن الغيم لا منه وصل داره نحَب
ما يكفي إنك في فجر ليلي تضحي كل عام

خل العيون اللي بهن ليل السهر جال ولعب
تلقى عيون(ن) صوبني في ذريفات السهام

اب .. اسآله عن شمس حبه يوم تاليها غرب
وش حط لي بأعماق قلبه عن خفافيش الظلام

هو نبع حبه في دجى الفرقى من الوحشه نضب
والإ الهوى يلعب بخفاقه ليا ناح الحمام

من يجني الفرقى يجي عمره على هم وكرب
ومن يسقي زهور الغلا يصبر على نار الهيام ..

© 2024 - موقع الشعر