المزون الرايحه. لـ سلطان الحويقل

المزون الرايحه - سلطان الحويقل

غراً غليضة نو / واطرافها سمر
بغت تطيح امن الثقل / من سماها

شفت الهضاب اللي مقاديمها حمر
اللي مداها مايغطي مداها

واللي تقل لا شفتها شاربً خمر
ولا جيتها ! تقول تزحف وراها

براقها لو ناشها ؟ كبّها جمر
ورعادها يمكن يفتت حصاها

بشرت فيها نخلة الوادي ب / ثمر
وعلمت الارض اتزف فرحة ثراها

واثر المزون الرايحه ؟ مالها عمر
(ريح الهبوب الصلف يقضي علاها)

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.