يالله يامنشئ المزون ألي علينا ممطراتي
اللي تسيرها بأمرك ياعليم وياقدير
يالله دخيلك من ليال حالكات موحشات
مرعبات خاليات باردات له صفير
يالله دخيلك من جروحك لها سنين نازفات
بي خافيات داميات ما يعالجها خبير
يالله عفوك من شراب الذل صرنا شاربات
يالله يالله ما بقى فينا عظم ما هو كسير
يالله يالله ما نبي من هالبشر عز وغناة
ياخالفي ليه البشر من غير إحساس تسير
ياهل الرجوله والقيم ماحنا ليوث ضاريات
نواجه الظلم الذي مثل حد السيف الشطير
حنا الشرف حنا الأمم حنا أمهات ساميات
من دمنا أنتم ترى إن كان شيخ أو أمير
نرفع قبايل للسما إن كنا بنات محصنات
ونذلهم لا قدر الله في خطا عار سعير
هاذي أنا بنت الأصيل وكلي إيمان وثبات
عشت الحياة بمرها ماجتني مفروشه حرير
هذي همومي تزعجن حتى وأنا بفرض الصلاة
هذي دموعي تحرقن وألجأ لربي وأستخير
هذي ملامح حزننا على الوجيه الشاحبات
هذي تفاصيل العنا تظهر على الجفن السهير
رغم الأسى قلبي رسا مثل الجبال الراسيات
عزمي قوي ما ينكسر لو كنت في وضع خطير
أنا أفتخر إني أنتمي لأهل العلوم الخالدات
شمر هلي ماهو خلي مكانهم عندي كبير
وألي طعني بالظهر لأقصى الضلوع المهدفات
الله حسيبه يحاسبه في يومن حسابه عسير
عسى النوايب تهلكه وتضيق به كل الجهات
عساه يالله للعمى دامه عن المله ضرير
عسى بناته من لباس الستر يالله عاريات
ألي على كل النسا متخيل إنه صار زير
قولوا له إني ما اعتقه وهذي إيديني مخضبات
من دمي إلي إنهدر من كذب معدوم الضمير
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.