درب الهوى - شموخ المعنقيه

لاواعذاب اللي قضى الليل كله
يسهر وهو من لذة النوم محروم

قلبه جريح وصار به ألف عله
حتى غدى بطعون الأيام موسوم

ومن أول ٍ درب الهوى كاره ٍ له
واليوم ماله عن مماشيه مقسوم

هاذي هي الأقدار ولي عادة ٍ له
أنه يصير لغيره اليوم محكوم

حتى لفاه اللي من الروح تله
تله وخلاني حزين ٍ ومضيوم

وقيده قيد ٍ يصعب اليوم حله
حرك أحاسيسه والأحساس مكتوم

روحي خذاها وأصبحت فدوة ٍ له
اللي بغرامه مخلف ٍ كل مفهوم

حبه دخل في خافقي وأستحله
واشعل بي نار ولا رحم قلب مظلوم

اقفى وخلابي من الضيق مَله
واليوم حالي من مراسيه معدوم

الله على أيام خل ٍ وخله
قلوب ٍ جمعها الحب بآمال وحلوم

قلوب ٍ رواها العشق وعاشت بظله
خاوت نسيم الليل والضي ونجوم

واليوم لهيب الشمس فوقه مطله
يحرق سناها بجو خالي من غيوم

وعشت الهوى يا ناس ضيم ومذله
من عقب ما قلبي عن الذل محشوم

© 2024 - موقع الشعر