حرست ابوابهم ماادري على اي ابواب يلقوني
وحسافه مادريت ألا عقب ماطاف ميعادي
يخالي شلون لو تدري وتشوف الدمع بعيوني
حرام الا تجي يمي وتحاول انت أبعادي
( يكفّي ) قلتها قبلك ولا كفت بي طعوني
( يكفّي ) لو تجي منك يعود التايه الغادي
سنين من الحزن مرت وغربه زادت جنوني
وانا بلادي بعد عينك ياغالي ماهي بلادي
تقول دروب لو طالت م/حالت دونك ودوني
واقول دروب خلتنا في وادي وانت في وادي
لو انك عندي ماضاقت ولا بيّحت مكنوني
لو انك عندي ماالتمت علي قلوب حسادي
صحيح اني حفظت اسم ٍ عن امر الشك مصيوني
صحيح انه كبر فيني شموخ النفس وعنادي
صحيح اني كسرت اللي نوو بالنار يرموني
ولكني شاابي بمجدي إذا ماعشت بامجادي
ابي ارقا وابي ترقا وابي وان خابت ظنوني
تعلمني بطهر ابقى إلى أن يخضر مدادي
ابيك بشعرك الصادق تثير بداخلي شجوني
وابي اكتب عن غيابك وابي اكتب عن سهادي
تعبت بروحي آسافر إذا سلهمت بجفوني
يمر الصيف واتحرا ويزيد الصيف اجهادي
تعبت اراقب المنفذ وانا اترجى يخلوني
اعبره لحظة ٍ وافضي بشعور ٍ بي متمادي
تعبت بكثر مااتمنى تجي وتقول وشلوني
أنا شلوني !! .. انا مااشكي وطبعي تعرفه هادي
انا اعرفك قبل لامن يخالي ابتلت ردوني
تجي كلك وكن الأرض صارت كل آيادي
تقول الحزن في صدري بسيط ويمكن يهوني
ولكن حزني بصدرك .. أمر من حزن بغدادي ؟؟
وتاخذني واشد ظهري وتشد بيدك على متوني
إلى عشبك إلى نهرك إلى نخلك إلى مرادي
إلى ذاك المكان اللي عشقته وناس لاموني
إلى ذيك الديار اللي حرسته وطاف ميعادي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.