الغربه والسفر - نافع البويت

يصفرّلون الورق من عقب تخضيره
والما تغمّض عيونه راكدن فيها
 
يتلّفت العشّ يبكي له عصافيره
ياعش هوّن على نفسك تبكّيها
 
ويبين بعض النّدى يحمل تباشيره
ويْحطّ وشمه على اغْصونه يسلّيها
 
غربة عمروالغصن شحت أزاهيره
نكهة ربيعه مسير أيام تمحيها
 
ليه الفرح صاحبي قلّت طوابيره
ياكثر من هو شموعه صار يطفيها
 
 
ويزيد نوح الحمام فْحال تهجيره
يعزف على باقي الاضلاع يكويها
 
ياعازف الناي ليه تْجدد السيره
وتْزيد في غربتي وحْشة منافيها
 
صعبه على غفلة الولهان تذكيره
والاصعب انك تجي لجروح تدميها
 
لاكنّي الْلي فقد جملة مباهيره
ومنادم الكيف ماثبّت مساريها
 
أوراعي الذود فاقد له مغاتيره
في وادي التيه ما عيّن مواطيها
 
واللي تمنّى شروق الشمس له خيره
فْ/غروبها يحتمل ذكرى يعانيها
© 2024 - موقع الشعر