درب الهوى

يا بنت مانيّة المعروف بطلابه
عشرة وزلّت وعنك الغيظ مطروحي

روحي ابمخلاص ديّان وطلابه
للي يبي خاطرك في شوفته روحي

يا بنت درب الهوى ما غلّقوا بابه
تراه يا بنت للعريان مفتوحي

حبك تزلف وزل وكمّل احسانه
واللي مضى راح كنّه لعب ومزوحي

يا بنت ما فات فات وقفّت اركابه
ما فيه رجعان لو جا فيه مصلوحي

قلبي جزوع يعاف الخشر وأسبابه
ونفسي يجيها عن المقفين ساموحي

والحر لامن نزع من كف قضابه
ليطار جزعان ما عوّد على اللوحي