وجه انتظاره..!

تليت قلبي ..... والمشاعر تنوحي.
وصديت عن وجه انتظاره وطاريه.

قبل امس انادي له بروحي و بوحي.
اقفى ........! ولا كنّه سمعني اناديه.

من كثر ما ناديت عيّا لا يوحي.
حتى نبت يآسي بقلب ٍ نبت فيه.

واليوم ينهم في خفوقي جروحي.
فزّت على صوته .! عروق ٍ تلبيه.

القلب ناداني ...... وجوفي يفوحي.
والعقل رآيه في عوارض خوافيه.

قريت وجه العقل عزيت روحي.
وهمست له بالشعر ماعاد نبغيه.

بشطب على حبه واعانق نزوحي.
واترك خفوقه .... لليالي تربيه.

حتى لو ان الصدر حزنه جموحي.
بااشوم عن حبه وابدفن مساقيه.

ولو يشهق الخفاق والاّ ينوحي.
تكتب له الذكرى خطآ كان مخطيه.

ريّح جروحي وسط روحي ولوحي.
خلاص قلبك .! من سواياك ناسيه.