وجه الرياض - تركي المشيقيح

عبس وجه الرياض بليلة ضلما تشح بنور
وعلى كثر الحزن كان الصمود الند للتفجير

يضنون الرياض ارض كساها من الزمان البور
وضنو في عقائدنا مجال لمنهج التكفير

وضنو في تلاحمنا هباء طايش منثووور
وكادو مير كيد الله على كل البغاة كبير

طغو وستاثرو حد البشاعة والكدر والجور
وحنا ماشكينا يادعاة الذل والتغرير

وحنا يالرياض رجال مايحجب سماهم سور
ولايمكن نحاور قمبلة حاقد وطيش صغير

وحنا للوطن مثل الجسد حب وغلا وشعور
إذا صاب الشمال الضيم همّ وعانق الخرير

نبادر للسلام بكف قدرة وانتما وسرور
ونبذل للضعيف إليا تباها واستشاط الغير

نحبك يالرياض بقلب صافي ماغشاه الزور
ولا يمكن نساوم فيك ياكود الجبال تطير

بلاد خصك الله في أمير قائد مشهور
نبادلك الغلا في كل خطوة نتبعك يامير

لذا يالعاصمة يالقاسمة يام الغلا والدور
مدام انه على الرحمن تدبيرك تراك بخير

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر