انطفى نور الرياض ... رثائيه !!

انطفى نور الرياض وصار عاشقها حزين
يوم راح العاهل اللي عاش من خيره شعوب

انتثر دمع العيون ولا بقى دمعه بعين
والحزن خيّم على نبض الشوارع والقلوب

يا صباح الحزن صبّحت العرب والمسلمين
يا صباح الحزن فينا ابتدى من كل صوب

والله انّا ما فقدنا غير سلطان ٍ فطين
والله انّا ما بكينا غير من ثقل الخطوب

قايد الامه زعيم العُرْب فالشده يبين
تشهد الخفجي نهار القصف نيران الحروب

سور مكه والمدينه حصن ضد المعتدين
صامل الهدات لا دقت نواقيص الكروب

الله انّه يرحمك يا القايد الشهم الامين
ويدخلك في جنة الفردوس مغفور الذنوب

كل ما عندي بقوله في مجرد كلمتين
يا فهد لو مت باقي في معاليق القلوب