وجه العراق

البارحه في وسط صدري صوت آخر للصمود
وجه العراق وقبلة المقدس وتنهيد وقصيد

ان جيت للجنب اليمين هتاف تكبير وحشود
وان جيت للجنب اليسار اثر الوسايد من حديد

وشلون انام وغير اقلق راحته ابن اليهود
غرّبه من داره ووطنه الشوارع من جديد

مانيب قومي انتمي لحزاب واعلام وحدود
انا تزوّلي جهنم لاصرخت هل من مزيد

وشلي اذا كانت حياة الناس من كبت وركود
وصراخ من بين الضلوع وخوف ياخذنا بعيد

ربي اعذني من حياة كل مافيها جحود
ربي وثبتني اذا الجمع يتخاذل او يحيد

نت اللذي صحيت قلبي يوم قلبي في صدود
ربي ولا تبقي بذات اللبين جبار عنيد

لبارحه لو يثقب الصدر القهر طارو جنود
وصفّولي بكل انتباه وغطو النار بجليد

اما نعيش محكمين الشرع في كل الوجود
ولاّ نموت سيوفنا اقرب من حبال الوريد