اللي تناديني وبس..!

الشعر يبقى شعر .....! لو فيه مس.
وفكرتي بالجوف ... مزعج حسها.

اطلق التفكير..! بالراحه وبس.
والمعاني فايحه ..... في لبسها.

جوهره ....! في كف رجل ٍ مختلس.
والرجل .... في روضة ٍ من فلسها.

البشر .....! لولا العلاقه ماتحس.
وكل صبخا ..! ولعت في غرسها.

للقوافي ....! جن مع انسه درس.
من يميز ...... جنها من انسها.

الردي مهما تطهّر لك ...... نجس.
الليالي تكشفه ....... من كبسها.

في جبينه ....... ماقريت الاّ الفلس.
والرذيله في عيونه ........ رسها.

بين غل وذل .... عايش منغمس.
في حقيقه ...... ما تغطى شمسها.

والصدور ...! اللي غبينتها تدس.
ريحها .! في حرف من هو دسها.

لو ضحك بالوجه جوفه منحمس.
ينتظر زله .....! عشان يمسها.

والخساسه لو يداريها همس.
في بروج البث ... تسمع همسها.

كلمة ٍ وحده بها الهافي خفس.
في سطور ٍ ....! تلتهب في طرسها.

العقل مقلوب .... والمعنى شرس.
في عيون ..! اللي شبع من ضرسها.

الغناه ....! اللي تناديني وبس.
صِنتها ...! بالقلب حافظ درسها.

والفتيله .....! ضوها مهما قبس.
فركة الكفين .... تقطع نفسها.

لايغرك ..! من غطس والاّ غرس.
النصارى ... ضايعه مع قسها.

كم مزارع ...! فوق كفينه يبس.
وردة ٍ .... متشوهه من لمسها.

والبحر .... يبقى بحر للي غطس.
كل درّه ..! لامعه مع جنسها.