وبس !

لـ عاطف الحربي، ، في غير مُحدد

وبس ! - عاطف الحربي

عساك سالم بس هذي ضروفي
ازريت ابيّنها لغيرك من الناس

وانا لو انْها طايعتني حروفي
ماكنت مثل ( اللحين ) بالحييييل محتاس

قلت : اكسر الروتين لابُد توفي
كم للورق ذابل ,, تمرّه بلا احساس

لكنّ شوفي مو على قد شوفي
مرمي على شط السهر , واطرد انعاس!

ماشفتني كيف اختنقت اب كفوفي :
حبر ٍ يعرّيه السطر / يزفر الباس

و ماشفت ذاك الوقت كيف اب وقوفي
دمع الشوارع سال في دفتر الياس ؟؟

لله دامك حيّ هذي ( سيوفي )
خذها معاك وهات لي ارض و انفاس

وللأرض ناس تموت , واليوم خوفي
لاماتت ارض وعاش من بعدها ناس !

© 2024 - موقع الشعر