تكرم شيوخ الفكر ..!

مايرفع المبدول ...... تطبيل مبدول.
في عين من هو للمناعير ... فاهم.

شيخ ٍ على نفسك وللحال مدلول.
من الدراهم جتك شِيخة دراهم.

يعني على ماقيل سطل ٍ مع اسطول.
ومدّاحة الدرهم .. عليهم سماهم.

لا يحسب إني بطلب ريال واهدوم.
اشوم عز.! ولا مذلة غِناهم.

رميت هرجك بين جدران وطبول.
وصدّرت لك علم ٍ عماك وعماهم.

ماني بمشهور ٍ ... على وجنة اللول.
لكن ... بحر الجوف هاج وغشاهم.

أشوم عن جلسة مباديل واخبول.
حيثي من إحرار ٍ يهيبك مداهم.

قرناس فكري مخلبه سيف مسلول.
وجنحانه القيفان .... غطت سماهم.

عزّيت نفسي والسحايب لي خيول.
يوم إن غيري..! صورته في حذاهم.

شعّار كذابه ...... وشعّار ٍ ازحول.
والوضع سيء .! جعل ربي يهداهم.

عشان قرشينك سمو فيك بالقول.
لين الثريا .... تشتكي من وحاهم.

أمّا الفعل تبطي يجي منه محصول.
تبقى الضعافه في غذاك و غذاهم.

كف الردي عن مدة الطيب مشلول.
ومع دقة الايام .... يطلع صداهم.

وإن كآن بالغابه .. ذياب ٍ لها جول.
به ليث لو باين ...! تعشى حداهم.

ماأهين قافي لجل هافي .. ومعلول.
تكرم شيوخ الفكر .. تكرم لحاهم.

والشِيخه اللي مالها أصل وافعول.
ماتنحسب ياضعيف البصر وآهم.!