شيوخ الجايزة

يا الله يامن بعثت المصطفى من قريش
ومنزّل إقرأ للأميين حتى قروا

نصرت بوم إلتقى الجمعان صفوة قريش
وأعداه ولّوا على غير الهدى وأدبروا

تعز من شئت يا مولاي من غير جيش
وتذل من خانوا التوحيد وتجبروا

أسف وعفواً وعذراً منكم وما عليش
ياهل بلخ يا اهل سيج استان ياهل مروا

صدري على مدح ربعي بالقوافي يجيش
لو إنتقدني صغار القوم وإستنكروا

ما دام جنبي شيوخ الجايزه يا غبيش
ما همني غابوا أهل الأرض والا احضروا

اهل الوفاء واهل نظره ثاقبه ما تطيش
ما غيّبوا في نهار الجد وتعذروا

وإذا دعاهم ولدهم ما يقولون ليش
أما مشوا في وضاح الصبح والا سروا

والوادي اللي يجونه من كرمهم يعيش
مثل المطر لا ابصروه الناس وإستبشروا

يفداهم اهل النفاق مشابهين ال؟؟؟يش
اللي تطوف اللزوم وكنهم ما دروا