على شاطي بحر شرما .

على شاطي بحر شرما مخيم لي ثلاث ايام
نهاري فاالبحر سابح وجنبي ناس سباحه

يمر الوقت ياطيبه بخاطر ما به الآلام
على شاطي بعيني مميز ٍعن شاطي الراحه

واذا ليلي سدل سودة ظلامه كل هاجس قام
مع التفكير والقمراء وصفق الموج ورياحه

اناجي فيه شخص ٍمامضى له في فؤادي عام
نزل به غصب عني كيف مدري وسبب جراحه

وانا مااعرفه ولا ادري من اهل الشرق والاّ الشام
وعن سكناه مااعلم في تبوك او يسكن الباحه

صحيح اعرف جواله من الواحد لعشر ارقام
ومحفوظ بمكان وقفل بابه معيّ مفتاحه

وصوته من على الجوال به لحن ووتر وانغام
ومعزوفه كما اصوات الطيور الصبح صداحه

جذبني به وبكتابات ماهي في ورق واقلام
على الشات المسمى ومن دخل به فارق الراحه

ثلاث شهور اهوجس فيه واتخيله بالاحلام
ونوب اتخيله إدّمي ونوب ٍ طير بجناحه

وانا ليه مدارك طيبه وما اعيش بالاوهام
ولي تفكيري الواسع وليه نفس مرتاحه