من شاطي جميرا

من شاطي جميرا سلام وتحيّه
للي على كورنيش أبوظبي قاعد

أنا هنا مرتاح نفسي رضيّه
وانته هناك وضغطك اليوم صاعد

وتستاهل اللي فيك واكثر شويّه
أمر المدير يجيك وأمر المساعد

وأنا بخير وحر والروح حيّه
من وين ماهبّ الهوى طرت باعد

مرتاح من همي ومن كل غيّه
وفي دار ابن مكتوم ذالقلب ساعد

واسوق رجلي عند هذي وذيّه
من دون ماأنسق معاهن مواعد

هاضت بيوت الشعر من شاعريّه
وأقول انا شاعر ولي حظ واعد

أهيم فالوادي وفي كل فيّه
وامشي ورى البارق اذا فيه راعد

وأغيب من شغلي بلا عذر ليّه
والحين افكر ياالخوي فالتقاعد

يقول خالد السعدي
الذيب ماعمره تخوّفه حيّه

لو تختلف كل النظم والقواعد
وانا بفعلي ذيب زيك وزيّه

والفرق فرق كفوفنا والسواعد
الحظ وردني على الاوليّه

فوق المنصه قبل كل المقاعد
ياللي تجازي كل حسنه بسيّه

وجهك من الشرهات كله تجاعد
كل يوم تسهر لك مع سامريّه

والناس تحلم في بطون الجواعد