غرابيل بقعى

ياأبو مهلهل ياعشير النشاما
قلبي تقول بثومته غاسق افعى

من واحدٍ ممشاه مشي الحماما
والارض تقل تهوس لاقام يسعى

بأسلابه إليا اقفى يصير ابتراما
وليلٍ حليكٍ للردايف توشعى

ولأقبل اثنينٍ يالسنافي اتواما
مشلّعات البز بالترف شلعى

من فوقهن ياثيب بدر التماما
والعين عين الحر والعنق . تلعى

قال الوداع وراح روحة كراما
والعين هلّت واروت الخد دمعى

خضر الفياض تصير بكره رماما
وناسٍ صحاح تكون بالغد وجعى

وناسٍ تفرق بعد حبٍ ولاما
وهذي تراها من غرابيل بقعى