انا حياتي من دونك غرابيل - اهمس القصيد

انا حياتي من دونك غرابيل
ياما عشانك جيت ناوي القرابه

في غيبتك اسهر وجر المواويل
خليت قلبي من فراقك خرابه

ياعين لاتبكين جعله تساهيل
مارده الضامي بيتبع سرابه

عقب الفراق المر وهدت الحيل
يامرحبا بالوصل واكثر هلابه

ماتضبط الدله ليا زدت بالهيل
همالك اللي منك احسب حسابه

ترا المكابر شين لو انه تماثيل
عاتب حبيبك كان ودك عتابه

ياحي قربك لي وحي المواصيل
على الوعد وصلك محدٍ درابه

مشتاق للماضي زمان المراسيل
يومٍ عيني دوم تراقب حسابه

بعض الفراق نصيب هذي التفاصيل
مجبور بالفرقا وفي صك بابه

اخطبك بالجايه عساها مقابيل
قلبك لقلبي دوم وفيهم تشابه

#همس القصيد
© 2023 - موقع الشعر