عطر القصيد - سلطان الحويقل

فاح عطر القصيد وجيت اغني لك
ودي انك تسمّع في مواويلي

أنثر الورد ثم وقّف على حيلك
وسرج شموع حبك في قناديلي

هز خصرك مثل هزة خلاخيلك
لين اقول آآه ..ياوجدي وياويلي

ون ذبحك التثني ماسرى ليلك
دوك فنجال من بني ومن هيلي

متع عيوني ونقض مجاديلك
وطوّح الشيله وعانق مخاييلي

خلني أمطر بشعري وسويلك
عقد ماس" مرصّع من تماثيلي

دوك حطه بجيدك مع سلاسيلك
لجل تذكرني وتذكر مواصيلي

وكان مكفاك انا بالحب كلي لك
أخذ ونس الضمير ولا تبقي لي

ولايهمك لجل حبك وتدليلك
أقدر اعيش وقاوم غرابيلي

عنك لو تبعد الدنيا مداهيلك
ولو تهد الليالي حالي وحيلي

مقدر اصبر وطيفك كل ماخيلك
يعترض بين تسبيحي وتهليلي

رش كبد المولع من شهاليلك
لاتهملني وتاخذ محاصيلي

ضعت من سلهمتك ومن مضاليلك
كل مغضيت نجلك قلت عزيلي

ولادمرني سوى رزت فناجيلك
لانطحها الهوا معاد يطري لي

غير لا مت لا تقطع مراسيلك
حطها فوق قبري كان تصخي لي

© 2024 - موقع الشعر