الا يا ليتني مثلك واغنيها على اطْرف عود
ولادْري عن همومٍ عشعشت بالصدر يالقمري
همومٍ لازمتني من بداية عمري المقرود
وْتكاثر كل ماكْبر لين ادخلها معي قبري
تمسيني تصبحني ماكنّي بالشقا موعود
على جلسة ألم تحرق بقايا من أمل عمري
تطاردني وادافعها وانا ادعي ربي المعبود
يكافيني شرور الفتنة اللي ظلّمت فجري
عقارب طينة الوادي تدسّ سمومها ف ورود
وْحيايا الليلة الظلماء تحيّن فرصة الغدري
طوتني والحزن طوي الفتيلة وسطها البارود
لها لا ضاق صدري قمت الاعبها بْلحن شعري
وْلها حلمي مناعة عن خطرها لو تزود يزود
وْلها صبري زنادٍ تشتعل به لو نفد صبري
ولا يالهاجس الغافل عن الموجود والمفقود
يجيب العلم من لا يشتقي به وانت ما تدري
ولا ياقلبي لو بانت مواريها حجج وشهود
دخيلك لا تأثر لو تشب النار في صدري
وانا والله طول العمر مخفيها عن المنقود
لكنّ الناس شافتها وباح الصدر من قهري
على مرّ الزمن تبقى الأسود وفعلها مشهود
ولا عمر الرخم لو طار عالي يشبه الصقري
ردي الفعل ماهو بْحيّ لو انه بقى موجود
وْرجال العز لو تْموت تبقى بْطيّب الذكري
ولا يالشجرة الخضراء ولو العرق ناشه دود
يكفّيني ظلالك وآخذ لْعرق الغثا حذري
على عز وفخر تبقين لو ان الليالي سود
ولا هزّت كياني ( ظلمته عندي كما البدري )
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.