عتمة دجى - سيف الهويملي

عتمة دجى الليله تبا تزول بكره
مير المصيبه دور الايام للذات

العمر مثل السير والوقت مكره
يطويه لو إن الليالي طويلات

لو كل شي ٍ يابنادم تحكره
خار العزم باللي كلت عمر من مات

العمر له زهره وللموت سكره
ماطار ياقع لو تعدى المجرات

ويفيق راسٍ طاش من عظم سكره
للطيب طيب والردي للرديات

الحر له وكره وللبوم وكره
وامشابهن مابين الاثنين هيهات

كلٍ محب لناس ولناس يكره
من بسطة السبعه ورفع السماوات

الآدمي يمشي على حسب فكره
للشمس نور ولسود الليل عتمات

وانا احمد اللي نزل الروح ذكره
العقل يحكم والقوادي بصيرات

مااطاوع الكراه بالناس وأكره
وايضا مااجازي راع الإحسان سيات

ماأفعل جميل بشخص من شان شكره
إلا من اللي يبعث اجساد الاموات

وإلا دجى الليله يبا يزول بكره
عسى مقابيل الليالي جميلات

© 2023 - موقع الشعر