تعلّق بـ ريقي ..! - صالح بن عمار

أثر الصراحه ... بعض الأحيان نكبه.
لا صار ........... تيار المحبه حقيقي.

إما وصل ..! لمّه خفوق ٍ شعر به.
وإلا قطاعه .......... محرقه يارفيقي.

الحب من قلبي ....... ولا فيه رغبه.
مجرد إحساس ٍ ....... شعرته رقيقي.

ورِد الجروح .... تقودها روح عذبه.
دايم على قلبي ........ شفاها تويقي.

والشرق ..! لو يمحيه بالوقت غربه.
مايكرهك حر ٍ ... فجوّك طليقي.

لا تسألين القلب ..... عن وين دربه.
مات الجواب ... اللي تعلّق بريقي.

اللي كرهني ......... بعد مابان حبه.
مازلت أنا ......! في بحر حبه غريقي.

أدميت قلبي .....! يوم قلبك علم به.
الجرح جرحك ..... والألم به عميقي.

جمر المشاعر لو حرق من وَلَع به.
فَحّم خفوق الود ..... زود الحريقي.

ودي لودك .. ود .. ودك .. وقلبه.
لكن حظي .....! بان ماهو صديقي.

رفيق حرف ٍ .... عرق قلبي حلم به.
والحلم عيّا .........! يارفيقي يفيقي.

أتنفس حْروفه ....... وثغر ٍ هَرج به.
أتخيّله ... مابين ... لول ... وعقيقي.

عقبه كرهت الحب .. سهله وصعبه.
مكتوم ......! جوفي ما يطيقه شهيقي.

حرف الصراحه ... ليل وقته لعب به.
والحزن بحر ٍ فيه الامواج ضيقي.

أحتاج قلبه ....... حيث قلبه وقربه.
مع شوفته لذه ....! طعمها رحيقي.

لذة نظر ... للجوف أكله و شربه.
حتى غيابه .....! لو سألته يضيقي.

مصير وقته .....! بين صدقه وكذبه.
بيعاهد الغربه بعهد ٍ وثيقي.

وإن حس قلبه بالهوى ... ثم وثق به.
لا ترده العذال ....! عارف طريقي.

للإنتظار اليوم قلب ٍ ...... نبت به.
مشاعر ٍ ماهي لغيره ...... تليقي.

© 2024 - موقع الشعر